160. Ümumi olaraq bizim ailəmizi meksikansayağı uçuruma aparan amma müəllim adını şərəflə daşıyan şəxs.
Bir dəfə atamdan, məni uşaq vaxtı döyməkdən tapdağ altında qalmış əncirə saldığı halda niyə balaca qardaşımı belə ərköyün böyütdüyünü soruşmuşdum. Cavabında isə "o vaxt ilk dəfə idi bu təcrübəni yaşayırdım (ata olmaq təcrübəsini). Bilmirdim necə hərəkət etmək lazımdır, uşağı necə tərbiyələndirmək lazımdır. Sonra başa düşdüm ki uşaq döyməklə uşaq tərbiyələndirmək olmaz". Bəli. Bir növ məni təcrübə siçovulu kimi istifadə etdiyini peşmanlıqla da olsa vurğuladı.

Böyüdüyüm rayonun sakinlərinə görə mənim gəncliyim atamın gəncliyinə nisbətən çox fərqli keçir. Mən sakitəm, atam isə düşdüyü ortamda əsas diqqət mərkəzini etdiyi söhbətlərlə istəmədəndə olsa özünə çəkən biri kimi tarixə düşüb o vaxtdan.

Amma illərdir dəyişməyən tək bir şey var, o da yaşım artdıqca doğurdanda bir vaxtlar nəyi necə demişdisə elədə olduğunu başa düşməyimdir. Və indi böyümüşəm, başa düşürəm ki mənim getdiyim yolları bu adam geri qayıdır, sözlərində həqiqətən dürüstlük payı var. Artıq verdiyi nəsihətləri və tövsiyələri qulaqardına vurmaq yerinə əməl etməyə çalışıram. Açığı çox xeyrini görürəm.